Itsas bazterrean kokatua, ama birjinaren arkaitza eta itsas bazterren gainetan. Museoaren terrazatik kostaldea ikus daiteke, arkaitz zorrotez egina.

Bertara iritsi daiteke, Biarritzeko farotik pasatuz, Angeluko "Chambre d'Amour" deitutako lekuraino, tunel ertsi eta ilun batetik pasatuz. Lorez beteriko bidexka segituz eskaleretatik, harrizko hesiaz babestua, Atalaiako gainera iristsiko zira, balearen ehizako toki zahar eta ezaguna

Iparraldetik hegoalderaino, San Martin punta ikusten ahal da, faroa kokatzen den lekuan. Miramareko ondartzaren parean, mendebaldean, arkaitz borobila ikusten da, tunel baten itxura duen zulo batekin. Jauregiaren hegoaldean, arkaitz lehuna ikusten da. Ondartza haundiaren hegoan eta Bellevueren ondoan, haurren arkaitza eta arrantzaleen portu babesturaino iristen da "Basta" deitutako arkaitza dago ere bere arakats landare guziekin. Arkaitz horren ipar mendebaldean zubitxo batek erlaitza eta "Artillerie" arkaitza lotzen ditu.

Itsas erakustokiaren aintzinean, "Curculong" arkaitzaren gainean, Ama Birjinaren estatua kokatzen da, itsasoko jendeentzat emana. Eskuialdean Antzerki palkoa dago ere, eta "La Surprise" (sorpresa) deitutako arkaitzaren kontra 1893ko azaroaren 20an La surprise untzia suntsitu zen. Horren gainean burdinezko gurutze bat emana izan da.

Ama birjinaren hego mendebaldean da "le Boucalot". Hamabost garren mendean lurrari lotua zen. Portu zaharrak, ondarrezko ondartza eskaintzen du labarren artean, eta Beltza etxearen ondoan.

Etxe horren hegoaldean arkaitzak ia desagertu dira. Ala ere, Beau Rivage labarraren azpialdean muskuiluen arkaitza agertzen da marea beheren haundietan.

Erakustokiaren barnean zaudenean, itsas untzi batean zaudela pentsa dezakezu, bereziki ekaitzak direlarik uhain haundiekin.